BIL med lag i Romjulscupen

SØRAL-gjengen måtte klare seg med minimumsbemanning i det innleiande gruppespelet og gjekk på 2 klare tap. Dagen etter var dei noko forsterka og gjekk vidare med fin 4-0-siger over Vaksenopplæringa.

Eirik Sævareid i kamp med Triospelar Magnar Rusten på Sandvoll Flyers.

Men posisjonen for finalespelet vart dårleg grunna innsatsen første dag og sterke Sandvoll Flyers, ein tidlegare vinnar av turneringa, sto på motsett banehalvdel då det var klart for 1/8-finale.

SØRAL spelte over evne og heldt Sandvoll Flyers til 1-1 etter full tid og overtidsspel. I straffekonken var det imidlertid slutt.

Til topps gjekk Boca Ninios frå indre luten. Dei vann også turneringa året før. Meir om turneringa finn ein på il-trio.no. Her er også resultata.