Flott skitur i Tveitedalen

Me var 7 personar frå SØRAL BIL i Tveitedalen denne kvelden i tillegg til fotografen. Og me gjekk løypa som var så godt opplyst at det glinsa i snøkrystallane både på bakken og på trea i organisert uorden. Det vil sei at alle gjekk og kosa seg i sitt eige tempo, og at kvar einskild valde kor mange runda ein ville gå. Og om dei ville gå den korte løypa på 2 km eller den lange løypa på 3 km. Det blei nokre meter av det. Når ein legg saman det som kvar einskild gjekk, så vart det bort i mot 50 km til saman, ikkje verst på ein torsdag kveld.

Etter nokre rundar i skisporet måtte vi inn og smaka på godsakene i kiosken. Og så er det no så laga at varmestova inne ved kiosken, og er ein fin møteplass. Der kan ein treffa gamle kjente og stifta nye bekjentskap medan ein nyter kaffien, eller kva det no skulle vera.

Kort sagt vil eg anbefala alle å ta turen til Tveitedalen, dei vil garantert få ei koseleg kveldstund.

Tekst: Ståle Schille

Foto: Geir Berntzen

Nett: H.O.Østebø